Найбуйнейшая незалежная літаратурная прэмія Беларусі, якая ўручаецца штогод з 2012 года за найлепшую кнігу прозы ў папярэднім годзе на беларускай мове.
Арганізатарамі конкурсу Літаратурнай прэміі імя Ежы Гедройця з’яўляюцца Аб’яднанне «Беларускі ПЭН» і Асацыяцыя «Міжнародны саюз беларускіх пісьменнікаў».
Мэты Прэміі
- вызначэнне найлепшых празаічных кніг на беларускай мове;
- ушанаванне памяці Ежы Гедройця – публіцыста, палітыка, паслядоўнага прыхільніка добрасуседскіх зносінаў паміж Польшчай і Беларуссю, Літвой, Украінай;
- падтрымка актуальных беларускіх пісьменнікаў, спрыянне выхаду іх творчасці на міжнародны ўзровень;
- спрыянне паглыбленню польска-беларускіх стасункаў у галіне культуры, папулярызацыя сучаснай беларускай літаратуры ў Беларусі і Польшчы.
Хто такі Ежы Гедройць і якая яго роля ў беларускай культуры? Артыкул пра патрона прэміі чытайце тут.
СЕЗОН 2026
(за творы 2025 года)
ЖУРЫ ПРЭМІІ
Сяргей Каваёў
Літаратуразнаўца, крытык, драматург, галоўны рэдактар навуковага часопіса «Studia Białorutenistyczne».
Яанна Бэрнатовіч
Перакладчыца, рэдактарка і літаратуразнаўца. Адкрывае беларускую літаратуру польскаму чытачу.
Сяргей Календа
Пісьменнік, культуролаг, рэдактар, аўтар кніг кароткай прозы, казак і рамана.
Ганна Янкута
Пісьменніца, перакладчыца і літаратуразнаўца, аўтарка твораў для дзяцей і дарослых, шматлікіх артыкулаў і эсэ пра літаратуру і фемінізм.
Сяргей Дубавец
Беларускі журналіст і літаратар, лаўрэат прэміі Гедройця мінулага года. Аўтар і вядоўца падкаста «Літаратурныя зацемкі».
